"Atzera Begira" Herenegun taldearen hirugarren estudioko lana da. 8 abestiz osatzen den proiektu hau orain arte taldeak egindakoari ukitu berri bat ematen dio, estilo nahiz doinu aldetik. Izan ere, orain arte lantzen zituzten estilo eta soinuak mantentzen dituzten arren, taldeak adar berrietara jotzeko apustua egin du, besteak beste elektronikaz janzten den pop-rock-a nabarmenduz. Tematikari dagokionez hainbat gai lantzen dira: gaur egungo munduarekiko kezka, denboraren izaera geldiezina edota maitasuna, dena tono melankoliko eta nostalgiko batetik. Proiektu berri honen heldutasun maila nabarmenagoa da aurrekoekin alderatuz, besteak beste Borja Antón-en produkzio lanaren ondorioz. Honetaz gain, lan honek goimailako bi kolaborazio dakartza: Idoia Asurmendi eta Marte Lasarte.