Zuzenbide Piriniarrak eremu geografiko zabal batean aurkitzen ditugun adierazpen kolektiboei, harreman politiko, sozial eta ekonomikoei buruzko gaiak biltzen ditu. Horien ardatza Pirinioetako mendikatea da, baina iparraldera eta hegoaldera hedatzen da (Akitania, Katalunia...). Kontzeptu horrek barne hartzen ditu ohiturari, ohiturazko zuzenbideari, foruei, jabetza kolektiboko formulei eta lurraren erabilerari (komunalak, etab.) lotutako erreferentziak, printzipioak eta xedapen juridikoak, eta antolamendu juridiko eta sozialeko beste elementu batzuk.
Gai horri buruz Nabarraldek bi biltzar antolatu ditu, 2016an Agurainen eta 2019an Azpeitian. Bigarren biltzarreko (Azpeitia, 2019) txostenak argitalpen honetan bildu dira, eta zuzenbide berezi hori biltzen duten forma sozial eta juridikoen egungo indarraldiari eta etorkizunari begira esparru jakin batzuetan garatzeko aukerei buruzkoak dira.